Udazkenarekin bat, egunak laburrago bihurtzen hasi eta gauak luzatzen hasten dira. Ordua aldatzeko garaia ere iristen zaigu. Gauak luzatzen doazen heinean Eguzkiaren presentzia geroz eta txikiagoa izaten da eta Iretargiaren beharra geroz eta gehiago sentitzen dugu.
Iretargirekin elkartzeko eta honi ongi etorria emateko sasoia ere iristen da. Horregatik, urriaren 30ean, ostiralean, arratsaldeko 18.30etik aurrera Gau-Eguna ikuskizunari hasiera emango diogu Monterronen. Ikuskizunak ipuin kontakizuna, antzezlana eta itzalak izango ditu oinarri. Lehenago baina, arratsaldeko 17.30etatik 18.15ak bitarte eskulana egiteko aukera ere egongo da Kondekua parkean.
Beraz, arratsalde goxo eta entretenigarria igaro nahi duen familia orori luzatzen diegu gonbitea.
Animatu zaitezte!
