Ostiralean elkartu zen Eguzkilaru Arrasateko haurrekin. 100 haurretik gorak egin zuten bat Eguzkilaruren deiarekin eta jolasa lagun, giro onean aritu ginen ideiak elkarbanatzen. Saioa hasteko Eguzkilaruren laguntzaileak Eguzkilaruren eskaeraren berri eman zuen: “aurtengo Eguzkilaru eguna antolatzeko gu denon ideiak behar ditu Eguzkilaruk!”
Ondoren taldeka jarri ginen ideiak partekatu eta horma irudietan adierazteko. Hori bai ideia festa!!! Haurrek ideia pila bat ekarri zituzten.
Amaitzeko ideia guztiak Eguzkilaruri eman genizkion eta poz-pozik amaitu genuen saioa!
