Txatxilipurdi elkartean, aisialdi hezitzaile euskalduna lantzen dugu eta bizitzarako behar ditugun balore eta gaitasunak garatzen laguntzen dugu, hala nola, euskaltzaletasuna, parte hartzea, autonomia, naturarekin harremana, aniztasuna eta feminismoa.
Gure udaleku irekiek ere balore hauetatik edaten dute, egunerokotasunetik irtenda, uda garaian esperientzia berriak bizitzeko eta harreman berriak sortzeko aukera eskainiz.
Aurten ere, azken 35 urtetan zehar antolatu izan ditugun ditugun bezala, Arrasateko haur eta aurre-nerabeei udaldi magiko eta ahaztezin bat eskaini nahi diegu.
Euskaraz, naturaz, sormenaz, bizikidetzaz eta elkartasunaz, talde lanaz … bustitako oporraldi paregabeak sortuko ditugu!
2 eta 12 urte bitarteko haur eta aurre-nerabeentzako hiru asteko eskaintza da. Lagun berriak ezagutuz, oporraldiari hasiera bikaina emango diogu.
Arrasateko kale eta naturguneetan barrena, egun pasak, mendi bueltak eta ur jolasak, besteak beste, izango dituen eskaintza dibertigarri eta dinamikoa sortuko dugu.
Haurra izango da udalekutako erdigune eta beraiekin eta beraientzat egingo dugu lan.
Uztailaren 3tik 21era bitarte gauzatuko dira.
Arrasateko hiru gunetan izena emateko aukera egongo da urtero bezala: Musakolan, erdigunean eta San Andresen.
Azken urteetan egin izan dugun bezala, ekintza ezberdinetan taldeak nahasten saiatuko gara adinartekotasunak eskaintzen duen aberastasuna balioan jartzeko asmoz, baita harreman berriak sortzeko ere.
Adinka izendatzen ditugun taldeak honako hauek dira:
BILIN BOLONKA:
2-6 urte bitartekoak (2017-2020 urte bitartetan jaiotakoak)
href="#" data-color-override="false" data-hover-color-override="false" data-hover-text-color-override="#fff">Button Text
BIHURRIKEIXETAN:
6-8 urte bitartekoak (2014-2016 urte bitartetan jaiotakoak)
href="#" data-color-override="false" data-hover-color-override="false" data-hover-text-color-override="#fff">Button Text
EROKEIXETAN:
9-12 urte bitartekoak (2011-2013 urte bitartetan jaiotakoak)
href="#" data-color-override="false" data-hover-color-override="false" data-hover-text-color-override="#fff">Button Text
IZEN EMATEA:
Txatxilipurdiko udalekuetan izena emateko epea martxoaren 13an irekiko da eta maiatzaren 5ean bukatuko da. Aurrez-aurre zein on-line bidez jasoko dira izen emateak:
– Txatxilipurdiren webgunean: www.txatxilipurdi.eus “Udalekuen izen ematea” atalean.
– Martxoaren 23an zabalduko den QR kode baten bitartez.
– Bulegoan: Nafarroa etorbidea 23, 1.solairua. Astelehenetik ostegunera, 9:30-13:30 / 15:00-18:00 Telf. 943795446
Kontuan izan, familia ugaria edo AEDko bazkide direnak, %5eko deskontua izango dutela. Bi baldintza hauek betetzen badira,%10eko deskontua egingo da. Beraz, diru sarrera egitean, deskontuak kontuan izanik egin beharko da (ordainketa haurraren izenean egin beharko da). Kasu hauetan agiriak aurkeztu beharko dira.
ZAINTZA ZERBITZUA: Zaintza zerbitzua nahi izanez gero, 40€ko gehigarria ordaindu beharko da. Gehigarri honek ez dauka deskonturik.
Edozein zalantza izanez gero, Txatxilipurdira deitu eta argituko ditugu zalantzak.
