Musakolako 3. Asteburuan, 26 haur eta nerabek parte hartu zuten. Genero aldetik nahiko parekatua izan zen eta guztiek taldean jolastu zuten, ekintza guztietan parte hartuaz.
Asteburu honetan jolas erraldoiekin jolastea erabaki zuten, beraz, hauek izan dituzte eskura. Bestalde gaztetxokoko baliabideekin ere( billar, pin-pon mahaia…) , gustura jolastu zuten aukera paregabea eskaintzen baitie.
Sukaldean ere aritu ziren noski, baina oraingoan postre goxoa egin beharrean, patata tortilla egitea erabaki zuten eta hamarretako ezin hobea izan zuten.
Datorren astean,inauteriak direla eta, ez da ludoteka ibiltaririk egongo, herrian beste hainbat eskaintza eta ekintza egoten baitira eta bertan parte hartzera bultzatu nahi baititugu haur eta nerabeak.
Dena den, Musakolako azken ludoteka ibiltaria Apirilaren 4an egingo da eta bertan gauzatzeko proposamenak ere jaso ziren pasa den asteburuan: balanz-bike, hanka-palo, saski baloian jolastea … izan dira besteak beste aukeratutakoak. Aurtengo auzo honetako ludoteka ibiltariari bukaera emateko, sukaldean ere zerbait berezia egingo dutelakoan gaude.
Beraz, inauteri osteko asteburuan, apirilak
4an, animatu Musakolako azken ludoteka ibiltarian parte hartzera!
