Lau urtetik gorako jokalariendako jostailua da eta partida bakoitzak gutxi gorabehera 10-15 minutu iraun dezake. Bi eta lau jokalariren artean behar dira jolasteko.
Lehiakorrra da baina sortzen den anabasa tarteko askotan jokalariek ahaztu egiten dute nor den nor eta horrek une dibertigarriak eragiten ditu.
Txatxilipurdi elkartearentzako estrategikoak dira mahai jolasak, haur eta gazteekin batera momentu goxoak bizitzeko bitartekoak dira, gure lan hezitzailea egiteko tresnak izaten dira kudeatzen ditugun zerbitzu ezberdinetan.
Esperientziak erakutsi digu mahai jolas baten bitartez hizkuntza ohituretan ere eragitea posible dela. Jolasean euskaraz hasiz gero taldeak euskaraz jolasteko ohitura garatzen du eta etorkizunean ere euskaraz jolastuko da. Hori dela eta, beharrezkoa izaten da euskarazko argibideak dituzten kalitatezko mahai jolasak izatea.
