Badator aurten ere Gaba Beltzaren jaialdia Arrasatera. Ekin Emakumea elkarteak, Doke Antzerki Eskolak, Amaidolua elkarteak, TTAK gazte taldeak, Ibai Arte elkarteak, Txatxilipurdi Elkarteak eta Arrasateko Udal Ludotekek zein Gaztetxokoek elkarlanean antolatu dugu.
Urriko azken asteetan zehar, Arrasatearrontzat elkarrekin gozatzeko hainbat ekintza izango ditugu.
Urriaren 21etik Azaroaren 1era, Ibai Artekoen eskutik erakusleiho lehiaketa antolatu dugu. Bertan parte hartu ahal izateko, 688 73 41 49 telefonora idatzi beharko duzue zuen erakusleiho gustukoenaren izena bozkatuz.
Urriaren 21etik 29ra bitarte, Arrasateko Udal Ludoteketan Gaba Baltzan inguruko hainbat ekintza egingo ditugu (bazkideak diren haurrentzat). Bertan, sukaldaritza tailerraz, eskulan girotuez zein ipuin kontaketez gozatzeko aukera egongo da.
Urriaren 26 eta 27an, Gaztetxokoen eskutik, 12 urtetik gorako nerabeentzako, beldur etxea antolatuko dugu Tren geltoki zaharreko Gaztelekuan. Gonbidapenak mugatuak dira, eta hauek, gaurtik hasita urriaren 25 bitarte, auzoetako gaztetxokoetan zein Tren Geltokiko gaztetxokoan lortu ahal izango dira.
Urriaren 29an, Amaidolua elkartearen eskutik, Garen guztia bidelaguntzen hitzaldia egingo da arratsaldeko 18:00etan Kulturateko Jokin Zaitegi gelan.
Bestalde, Urriaren 31a, egun berezia izango da. Arratsaldeko 18:00etan hasita, Arimen biltzarra egingo dugu Arrasateko kaleak girotuz. Biteriko plazan hasi eta Monterronera ibilbide bat egingo dugu Ilargitxo eta bere lagun kukumarruekin. Hori horrela, herritarrak animatzen ditugu Kukumarroz edota baserritarrez jantzi eta kalera ateratzeko, guztion artean herria alaitu eta jai giroan gozatzera.
*Eguraldi euritsua eginez gero, Arimen Biltzarra Kulturolako aterpean egingo da.
Egunaz amaitzeko, TTAK Gazte taldearen eskutik, Gaztetxean 22:30etan hasita, herritar guztientzat, DJ-ak egongo dira; DJ Putzu eta DJ Galtzagorri. Sarrera doakoa izango da.
Gaba Baltza batzordea osatzen dugun kide guztiek, herritarrei gonbita luzatzen diegu egitarauan parte hartu eta ondo pasatzera.
Arrasateko Gaba Baltza batzorde
