Asteburu honetan izango da ludoteka ibiltariaren azken saioa Musakolan.
Datorren astean, San Andres auzoan egongo gara, eta bertan beste 4 larunbat goizetan parte hartzeko aukera egongo da.
Asteburu honetan, hanka-palo, balance bike eta saskibaloian jolasteko proposamena bota zuten aurrekoan. Hamaiketakorako ere zerbait prestatuko dutelakoan gaude, astero eskatu izan baitute. Beraz, bertan parte hartzera animatu nahiko genituzke auzokoak eta ingurukoak hurrengo urtera arte Musakolako ludoteka ibiltaria gogotsu agurtzeko.
Ordutegia goizeko 10:30etik 13:30era izango da eta hezitzaileak Musakolako Gaztetxokoko atarian egongo dira bidelagun gisa aritzeko.
