Aurten ere, otsailean Ludoteka ibiltaria martxan jarriko du Txatxilipurdi Elkarteak Musakolan.
Otsaileko lehen asteburuan inauteriak direla eta, herrian hainbat ekintza egoten direnez haurrentzat, bertan parte hartzera animatuko ditugu. Baina, Otsailaren bigarren asteburuan, hau da otsailak 13an, Musakolako lehen zapatuko Ludoteka ibiltaria egingo dugu.
Musakolan urtero bezala, Gaztetxoko parean elkartuko gara goizeko 10:30etan eta 13:30ak arte bertan egongo gara gerturatzen diren haur, gazte eta hauen tutoreekin ekintza ezberdin eta anitzak egiten. Bertara gerturatu, eta denen artean zer egin adostuz, goiza primeran pasatzeko aukera egongo da. Bi hezitzaile izango dira bidelagun eta baliabide ezberdinak eskainiaz, gerturatzen direnen nahiak betetzen ahaleginduko dira.
Musakolan, otsailak 13, 20, 27 eta martxoaren 5ean egongo da ludoteka ibiltaria.
Honen ostean berriz, San Andres auzora joango gara eta hemen ere Aste Santuko egunak tarteko direla ikusirik, hauek jai hartuko ditugu.
San Andresen, ludoteka ibiltaria egongo diren datak beste hauek izango dira: martxoaren 12 eta 19an eta apirilaren 9 eta 16an.
Bedoñabeko herri eskolako patioan elkartuko gara auzo honetan.
Aurtengo ludoteka ibiltarian ere, primeran pasatzeko aukera egongo da.
