Pasa zen larunbatean Sustrai talde gaztea izan genuen Gazteguneko taula-gainean. Hilabete honetako Musikodromo egitasmoko lehena izan zen, 5 neska euskaraz egindako musika eta gai sozialak ere  lantzen. Azpian  bideo bat eta abesten duten kantuaren letra. Aupa zuek!! Eskerrik asko!! Beraiei egindako elkarrizketa ere gaztetxokoetako blogean entzun dezakezue.
Martxoak 8 beti izan da
Bat ta bakarra urtean
Mundua hobetzeko gurariz
Emakumeen izenpean
Pauso bakoitza ez baita izango
Iñorentzako kaltean
Gure zaiñetan doan odola
Morea den bitartean
Nahiz eta askotan konfiantza
Besteek diguten hautsi
Indarrez altxatzen da gurekin
Urtero martxoak 8
Pixkanaka aurrera goaz ta
Ez da esatea gutxi
Gu gerenari behar baitzaio eutsi.
Martxoaren 8a omen da
Emakumeen eguna
Non ote dago 9ª
Berrogeia eta ehuna
Egunero bizi nahi baitugu
Guk geure askatasuna
Ospa dezagun denok batera
Garena eta duguna
Hemn zuei Idoia Leire
Irati Amaia ta Sara
Emakume guztion bihotza
Ta ahotsa gaur gu gara
Berdintasunaren alde gatoz
Zuek eta gu plazara
Erein dezagun emetasuna
Ta jaioko da algara
